الرئيسية
إن كان حبك /و إن رحلتي/ عذاريب
أبفتخر و أنغرّ و آظهره عذروب
و اضيف في النسيان..مالي تجاريب
في قاموسي //النسيان// مُلغى و مشطوب
صاحي و نايم..ما غير و صلك مطاليب
لو كان عدّوني من العقل مسلوب
أعيش وصلك في عجيب الأساليب
أحلام تشرق بك..و غيرك له غروب
يا أحلى بشر ياأم العيون المهاديب
معذور قلبي..إن فارقك حسره يذوب
حسنك يسوي فالقلوب الأعاجيب
لو صنفوا حسن البشر..غير محسوب
لأن حسنك غير مابك عذاريب
خرافي..ماهوب فخرافات مكتوب
لسانك عسل يمطر و لو بالتعاتيب
و قلبك نقي..لو كنت جارحك و مغضوب
و طبعك وفيه لو غدينا مساليب
وصلٍ قدرنا سكر بوجهه دروب
